അത്യാധുനിക രീതിയില് പുനര്രൂപകല്പ്പന ചെയ്ത കേരള ടൂറിസത്തിന്റെ വെബ്സൈറ്റ് (www.keralatourism.org) ടൂറിസം മന്ത്രി പി.എ മുഹമ്മദ് റിയാസ് പുറത്തിറക്കി. 20-ലധികം ഭാഷകളില് കേരളത്തിന്റെ അതുല്യമായ ടൂറിസം ആകര്ഷണങ്ങളും ഉത്പന്നങ്ങളും ഉള്ക്കൊള്ളുന്ന സമഗ്ര ഡിജിറ്റല് ഗൈഡാണിത്.
നവീകരിച്ച വെബ്സൈറ്റ് കേരള ടൂറിസത്തിന് പുതിയ ചുവടുവയ്പാണെന്നും ടൂറിസം മേഖലയിലെ മത്സരം നേരിടുന്നതില് ഇത് പ്രയോജനം ചെയ്യുമെന്നും മന്ത്രി പറഞ്ഞു.
ടൂറിസം മേഖലയില് കേരളം മത്സരിക്കുന്നത് മറ്റ് ഇന്ത്യന് സംസ്ഥാനങ്ങളോടല്ല, ടൂറിസം വ്യവസായത്തില് മുന്പന്തിയില് നില്ക്കുന്ന നാലോ അഞ്ചോ പ്രധാന രാജ്യങ്ങളോടാണ്. ഈ പശ്ചാത്തലത്തില് ഡിജിറ്റല് സാധ്യതകള് കൂടി പ്രയോജനപ്പെടുത്തിയുള്ള ടൂറിസം പ്രവര്ത്തനത്തിന് ഏറെ പ്രാധാന്യമുണ്ടെന്ന് തിരിച്ചറിഞ്ഞാണ് വെബ്സൈറ്റ് നവീകരിച്ചതെന്നും മന്ത്രി ചൂണ്ടിക്കാട്ടി.
